الفرق بين شوارع الرياض والقصيم ::وجهة نظري::

السلام عليكم ورحمة الله وبركاته

الفرق بين خشات القصيم والريـاض !! من وجهة نظري طبعاً
وبالاخير هذي وجهة نظر لحد يزعل مني فديتكم كلكم...
ايام العيد شفنا الهجولة على أصولها وطارات كبار طبعاً
طبعاً كل من حضر خشات العيد اكيد انه استمتع وفلها
بوجود طارات كبار وغير هذا شوارع القصيم ياجماعة الخير تفرق عن شوارع الرياض
اول شي شوارع القصيم مالها نهاية لمو موترك يمشي 300 صدقني يمكن يعديها
وثاني شي واهم شي مافي اي اضرار للغير مثلاً:
زحمة الشارع وتعطيل التريلات والعمال والتكاسي والموظفين عن عملهم بسبب زحمة الموكب
شوارع القصيم ماعندك احد غير الموكب والطارات فقط ..
مو زي عندنا بالرياض خاصة دايري الدرعيه والفروسيه ودايري ساسكو وغيرها..
نلاحظ تعطيل واضح لتريلات وكافة العمال وزحمة ملفته للانظار واظن انها السبب الاول لطبة الحكايم علينا
اما بالقصيم ياشيخ ماعندك احد شوارع ماحد يجيها الا نادراً
وكذا الخشه يجيلها طعم ونتكي حوالي اكثر من ساعة ولانشوف ولاسفتي ولاشي ..
ودي نشوف لنا حل للمشكله هذي بالرياض خاصة بعد حادثة دايري الدرعيه من تكسير قزاز التريلات وغيرها.
والتخريب هو السبب الاول لطبة حبايبنا حكايمنا
وصدقووني لو هجولنا لحالنا بدون شغب ولاتكسير صدقوني محدن جايكم
وصح ان فلة الهجولة بالحكايم بس حتى ولو الايام اي راحت كثرة الشبكات علينا
زبدة الكلام ....
لو نشوف لنا شارع بالرياض بعيد عن زحمة الناس ودواماتهم يكون احسن لنا ولهم ..
وش رايك بكلامي...؟؟>>> وتراه مجرد وجهة نظر
وآسف على الإطاله فديتكم ولحد يزعل من كلامي

شوارع القصيم افضل.......!

اكيييييييييييييييييييييييييييييييييد


















....,